Edona Llalloshi ka 25 vite në skenën shqiptare dhe vazhdon të jetë ndër këngëtaret më të preferuara të publikut. Tashmë ajo ka krijuar një karrierë të suksesshme, familje të lumtur dhe mund të themi se është e realizuar në çdo aspekt të jetës. Së fundmi në një intervistë për ‘Prive’, Edona ka rrëfyer planet për jetën dhe ka hapur dyert e shtëpisë duke zbuluar pamjet moderne brenda saj. Siç shihet nga pamjet e xhiruara, këngëtarja e ka mobiluar shtëpinë e saj me ngjyrë të bardhë dhe me tonalitete të ngjyrës kafe.
Në një ambient të veçuar, Edona ka të renditura të gjitha çmimet që ka fituar gjatë karrierës së saj artistike. Këngëtarja ka treguar se tashmë po punon për një baladë të re dhe ndoshta në të ardhmen mund të sjellë një album me përmbledhje të projekteve të saj muzikore.
Edona ka zbuluar se është edhe një amvisë shumë e mirë, sidomos në kuzhinë dhe këtë gjë e ka të trashëguar nga nëna e saj. Kujtojmë se këngëtarja e njohur është nënë e dy fëmijëve, një djali dhe një vajze. /revistawho.com
