Vazhdojnë problemet me mediat, Princ Charles këshillon Meghan Markle dhe Princ Harry

Ndoshta Kate Middleton ka marrë vëmendjen e mediave ditët e fundit, por Meghan Markle dhe Princ Harry vazhdojnë të kenë probleme me mediat. Mesa duket, marrëdhënia e Meghan me Princ Charles, babain e Harryt, ka ndikuar pozitivisht në problemet e çiftit me shtypin. John Bridcut, një producent, ka realizuar një intervistë me Princ Charles, William, Harry dhe dukeshën Camila. Ai ka dhënë disa detaje për ‘Daily Mail’ në lidhje me këshillat që Charles i ka dhënë Meghan dhe Harry-t. “Ai ka pasur gjithmonë një marrëdhënie shumë të ngushtë me djemtë e tij dhe sigurisht e tillë është dhe marrëdhënia me nuset”, është shprehur John. Sipas tij, një nga këshillat e Charles ka qenë që çifti të vazhdojë punën e tyre, pavarësisht dramave publike./revistawho.com