Gjira Kajtazi është një nga reperet e para femër që ka filluar rrymën muzikore ‘rap’ në Shqipëri. Ajo e la karrierën e saj, për t’u zhvendosur në Gjermani, ku dhe jeton momentalisht me partnerin e saj. Shumë shpejt, Gjira do të bëhet mama për herë të parë, megjithatë duket se ka vendosur të bëjë një rikthim të fuqishëm në tregun muzikor. Pas 5 vitesh larg muzikës, ajo publikoi një këngë me titullin ‘Aua’ në fillim të muajit maj. Kjo këngë, është pritur shumë mirë nga fansat, pasi në pak kohë ka marrë shumë klikime. “5 vjet pasive, pa promo të mëdha, pa media.. por ende në veshët tuaj. Faleminderit për këtë”, ka shkruar këngëtarja, duke falënderuar fansat e saj për mbështetjen. Nuk e dimë ende se çfarë do të vendosë Gjira për karrierën e saj pas lindjes, por për momentin të gjithë po shijojnë muzikën e saj të re./revistawho.com
