Justin Bieber është ndeshur së fundmi me një koment jo shumë të këndshëm në ‘Instagram’. Një fans ju drejtua këngëtarit duke i thënë se ai nuk e do Hailey-n, por është martuar me të që të rikthejë Selenën pranë vetes. Pas këtij komenti, Justin i ktheu përgjigje duke i thënë se është absolutisht i papjekur fakti që komenton diçka ofenduese për bashkëshorten e tij dhe bën aludime të paqena.
Bieber shtoi se e ka dashur dhe vazhdon ta dojë Selenën e ajo do të ketë gjithmonë një vend në zemrën e tij, por tashmë është i dashuruar kokë e këmbë me gruan e tij, Hailey Baldwin.
Kujtojmë se nuk është hera e parë që fansat komentojnë në postimet e këngëtarit, duke i kujtuar atij dashurinë për ish-partneren e tij, Selena Gomez./revistawho.com
