Ditën e sotme, Jessie J mbushi plot 31 vjeç dhe urimet nga kolegët, fansat dhe partneri i saj në ‘Instagram’ nuk kanë munguar. Channing Tatum publikoi një foto të këngëtares me një dedikim të ëmbël. “Të uroj të kalosh ditën më të bukur, mbushur me lumturi dhe dritë. Ti erdhe në këtë botë pikërisht në këtë ditë dhe i vure flakën. Ti ke bekuar sytë tanë, veshët, zemrat dhe jetët. Faleminderit që je ti. Je shumë e veçantë. Gëzuar ditëlindjen, zemër”, ka shkruar aktori. Lajmet për një lidhje të mundshme midis tyre filluan që në muajin tetor, por vetëm gjatë këtij muaji çifti e bëri lidhjen publike. “Ato nuk duan të kalojnë asnjë moment larg njëri-tjetrit. Ai është dashuruar me të dhe nuk ka të ngopur. Gjërat po shkojnë shumë mirë midis tyre”, është shprehur një burim i afërt me çiftin, për ‘E!News’. Në të njëjtën kohë, ky vit do të jetë shumë i rëndësishëm për karrierën e Jessie, pasi ajo do të fillojë koncertet internacionale në Europë./revistawho.com
https://www.instagram.com/p/BvhOIFvlfiH/
