Aktorja e famshme i kritikoi për promovim të gjërave të pashëndetshme, reagon Kim dhe Khloe Kardashian

Jameela Jamil mund të jetë e njohur për të gjithë adhuruesit e ‘The Good Place’, mirëpo më së shumti ajo njihet nga përdoruesit e internetit për shkak të komenteve negative ndaj motrave Kardashian. Disa muaj më parë, ajo reagoi ndaj disa promovimeve të lëndëve dobësuese të pashëndetshme, që Khloe dhe Kim bëjnë në ‘Instagram’. Pas kësaj, ka ardhur dhe reagimi i dy motrave, Khloe dhe Kim. Gjatë një interviste për ‘The New York Times’, Khloe është shprehur se ajo dhe familja e saj nuk jetojnë me këtë negativitet, pasi shumica e ndjekësve e mbështesin familjen e tyre. “Kur dikush gjen një mundësi punësimi që të lejon të jesh pranë fëmijëve, është një prioritet. Nëqoftëse dikush tjetër do të kishte të njëjtën mundësi, do ta konsideronte, pavarësisht faktit se do të merrte shumë kritika”, është shprehur Kim, duke nënkuptuar kështu se asnjëra prej motrave nuk ka ndërmend të heq dorë nga promovimi i ‘detox-eve’./revistawho.com