Loredana i ka kushtuar disa orë fansave në ‘Instagram’ duke i dhënë përgjigje pyetjeve të tyre të shumta. Sigurisht kurioziteti nuk i drejtohej vetëm asaj, por edhe marrëdhënies me bashkëshortin, reperin Mozzik dhe projekteve muzikore që do sjellin së shpejti. Njëri prej ndjekësve ka ngritur pyetjen për një bashkëpunim të mundshëm mes reperit që banon në Zvicër dhe Unikatilit. Përgjigja e Loredanës ka qenë vetëm një ‘emoji’ që shpreh heshtje, duke lënë të kuptohet se diçka po bëhet gati.
Nëse vërtetë do të finalizohet një bashkëpunim mes dy reperëve, mbetet për t’u parë, por me siguri fansat janë emocionuar shumë për këtë mundësi. Unikatili konsiderohet si një nga reoerët më të mirë shqiptarë dhe karriera e tij në skenën shqiptare është e gjatë. Së fundmi edhe ai edhe Mozzik janë rikthyer fuqishëm me projektet muzikore përkatëse. /revistawho.com
