Dita e lindjes po afron, Meghan Markle thyen sërish rregullat mbretërore

Që në momentet e para si dukeshë, Meghan Markle ka thyer shumë rregulla mbretërore. Edhe pse tani u bë më shumë se një vit si pjesë e familjes, duket se ajo nuk ka ndërmend të përshtatet. Muaji prill do të shënojë dhe ardhjen në jetë të princit apo princeshës, megjithatë duket se proçesi i lindjes nuk do të bëhet sipas traditave. Princeshë Anne, Diana dhe Kate Middleton i kanë lindur fëmijët e tyre në të njëjtin spital privat, por sipas ‘People’, Meghan dhe Harry do të ndjekin një tjetër rrugë. Për shkak të largësisë nga shtëpia e tyre e re, Princi dhe dukesha do ta presin fëmijën e tyre në një spital afër banesës, në vend që të udhëtojnë për disa orë. Një tjetër arsye e këtij ndryshimi është dhe privatësia. Ndryshe nga Princeshë Diana dhe Kate, Meghan nuk do të ketë një dalje aq publike nga spitali. Të 3 fëmijët e William, kanë lindur në të njëjtin vend si babai i tyre, por kjo duket se nuk do të ndodhë me Princ Harry-n. Teksa të gjithë presin të shohin fëmijën e Harry dhe Meghan, mediat ende vazhdojnë të analizojnë detajet./revistawho.com