“Ktheju Tokës” është kënga që do përfaqësojë Shqipërinë në ‘Eurovision 2019’. Pasi mori zemrat e shqiptarëve, kjo këngë pritet të surprizojë Europën. Jonida Maliqi ka punuar fort për të sjellë një klip të realizuar dhe ka vendosur që versioni zyrtar i prezantimit të jetë në shqip.
Teksa koha kalon dhe i afrohemi gjysmëfinaleve dhe finales së madhe, ka dalë edhe lista e renditjes së performancave në netët përkatëse. Deri tani kishim marrë vesh që Jonida do performojë në gjysmëfinalen e dytë, por sot është zbuluar edhe renditja sipas performancave. “Ktheju Tokës” renditet e 14-a dhe sipas rregullit do performojë pranë fundit të gjysmëfinales së dytë. Shqipëria do prezantohet menjëherë pas Rusisë.
Na mbetet vetëm të presim e të zbulojmë surprizat e mëdha që ka rezervuar këngëtarja e njohur shqiptare. /revistawho.com
