Pak muaj më parë, Lyrical Son u bë baba i një vajze për herë të dytë. Ai së bashku me bashkëshorten e tij, Gresa, vendosën që vogëlushen ta pagëzonin me emrin Erika. Gjatë kësaj kohe urimet dhe dhuratat për vajzën duhen të kenë qenë të shumta, por njërën prej tyre Lyrical Son e vlerëson më shumë. Së fundmi reperi ka marrë një dhuratë për të voglën e familjes nga nëna e Ledrit, Xheraldina. Reperi ka publikuar një foto me nënën e mikut të tij me mbishkrimin: “Të bekoftë Zoti! Faleminderit shumë për dhuratën e Erikës”.
Lyrical Son dhe Ledri Vula prej vitesh ruajnë një miqësi të veçantë, por mesa duket kanë raporte shumë të mira edhe me familjarët e njëri-tjetrit. Kemi vënë re edhe më parë se Xheraldina e ka mbështetur gjithmonë Ledrin dhe kolegët e tij në çdo projekt të tyrin muzikor. Kujtojmë se Ledri Vula dhe Lyrical Son pak kohë më parë publikuan këngën e tyre “Menemadhe” në bashkëpunim me Mc Kreshën. /revistawho.com
