‘Top Talent’ është program i cili u shfaq për herë të parë vitin e kaluar në ekranin e ‘Top Channel’, me një juri prej 5 anëtarësh të cilët vendosnin për vazhdimësinë e pjesëmarrësve, të cilët kishin një ëndërr të përbashkët, gazetarinë.
Ditën e sotme është bërë e ditur se edicioni i dytë nis transmetimin në muajin maj, çdo të premte mbrëma.
Anëtarët e jurisë së sezonit të dytë do të jenë: Eno Popi, Salsano Rrapi, Bieta Sulo, Muhamed Veliu, Elona Duro, ndërsa drejtimi i emisionit i është besuar këngëtares, Eneda Tarifa.
Konkurrentët do të garojnë në kategoritë: gazetar, prezantues dhe interpretues në një interval kohe prej 10 javësh.
Në katër javët e para do të bëhet prezantimi i konkurrentëve përpara jurisë, më pas faza çerekfinale, e cila do të jetë në 3 mbrëmje. Faza gjysmëfinale do të ndahet në 2 netë ku konkurrentët do të garojnë me materiale të përcaktuara nga juria.
Pjesë e show-t në këtë sezon do të jetë edhe publiku në sallë, i cili do të ketë mundësi të votojë konkurentin e preferuar për ta kaluar në fazën tjetër, nëse ai do të sigurojë shumicën e votave të jurisë.
‘Top Talent 2’ vjen këtë sezon me skenografi të re dhe madhështore, duke sjellë një tjetër risi në ekranet shqiptare.
Kujtojmë se programi është një mundësi për të gjithë gazetarët dhe prezantuesit e rinj, të cilët synojnë të jenë pjesë e televizionit./revistawho.com
Rikthehet ‘Top Talent 2’, zbulohen emrat e anëtarëve të jurisë dhe risitë e këtij viti
