Falë thjeshtësisë dhe origjinalitetit të saj, Arbana Osmani ka arritur të fitojë simpatinë e publikut. Sa herë flitet për të, jo vetëm për projektet, por edhe për detajet më të vogla, ka kuriozitet të madh. Duke qenë se në çdo dalje të saj televizive publiku e shikon me shumë vëmendje, të gjithë kanë vënë re një detaj të zakonshëm në pamjen e moderatores. Arbana mban gjithmonë me vete dy varëse, që për të mbartin kuptim shumë të veçantë. Moderatorja ka publikuar në ‘Instagram’ një foto dhe ndjekësit e saj nuk kanë ngurruar ta pyesin për aksesorët që i kanë parë në qafën e saj.
Osmani mban një varëse me shkronjën J dhe një me numrin 7, të cilat nuk i ndan asnjëherë nga vetja. Arbana ka zbuluar se varësja me shkronjën J është për emrin e djalit të saj, Jon, të cilin e konsideron edhe si jetën e saj. Ndërsa numri 7 lidhet me datën e saj të lindjes, sepse moderatorja feston ditëlindjen në 7 maj.
Arbana Osmani drejton prej 2 sezonesh emisionin “Dua të të bëj të lumtur”, i cili ka mbajtur publikun mbërthyer pas ekranit me historitë emocionuese. /revistawho.com
