Nëse ka një këngëtare shqiptare që di të jetë e veçantë në repertor dhe në stilin që promovon ajo është Aurea Gaçe. Gjithmonë ka ditur të marrë vëmendje me vokalin e mrekullueshëm, por edhe me kombinimet që ka zgjedhur të veshë në paraqitjet e saj publike. Të eksperimentuarit me pamjen është një detaj shumë i rëndësishëm për të pasi në atë mënyrë arrin të jetë vetvetja.
Pak minuta më parë, Aurela ka publikuar një foto të vjetër, e cila i sjell goxha kujtime. Publikimi i pasazheve nga e shkuara nuk janë një gjë e re për publikun që ndjek Aurelën, por edhe këtë herë ajo ka diçka për të treguar. “Na lajmëruan se kishte dalë fosforeshentja këtë vit. Ç’na gjeti me këto trendet që nxjerrin. Kam hapur akivat. Isha fosforeshente nga koka tek këmbët, por këtu dukeshin edhe thonjtë prandaj nxorra këtë. Mirë tani që na lajmërojnë çfarë del e çfarë duhet të veshim, e kush po i vesh, e që duhet ta ndjekim nga pas, po atëherë ku e merrnim këtë lloj informacioni nuk e mbaj mend. 1998. Puthje”,-ka shkruar Aurela krahas fotos së vjetër.
Për të gjithë ata që ende nuk e dinë, ngjyrat fosforeshente janë pjesë e trendeve të këtij sezoni. Edhe këtë herë, këngëtarja e njohur shqiptare i ka paraprirë modës duke na e treguar detajin special me këtë foto të nxjerrë nga arkivat. /revistawho.com
