Ish-deputetja e LSI-së, Klajda Gjosha ka qenë mbrëmjen e kaluar e ftuar në programin ‘Provokacja’ ku foli për situatën e tensionuar politike në vend. Por në fillim të bisedës nuk kaloi pa u përmenduar shtatzënia e saj. Në bisedë e sipër, ish-ministrja e integrimit zbuloi edhe gjininë e fëmijës që do vijë në jetë së shpejti.
“Njeriu duhet të dijë të ndajë momente të jetës private me këtë lumturi që unë po përjetoj së bashku me familjen time, për të pritur së shpejti një vajzë dhe pjesën tjetër që është ajo e profesionit. Unë jam pjesë e një profesioni që është shumë agresiv, shpeshherë. Megjithatë e gjithë kjo situatë do të sjellë një dritë jeshile në fund të tunelit”,-u shpreh ajo, pasi moderatori e komplimentoi për nurin që i ka dhënë pritja e ëmbël.
Lajm i bukur u zbulua pak muaj më parë nga kryetarja e LSI-së gjatë një programi televiziv. Klajda është nënë e një djali 5-vjeçar që quhet Luis. /revistawho.com
