Ditën e sotme Dafina Zeqiri feston 30-vjetorin e lindjes dhe festa për të ka nisur që në mesnatë. Për këtë ditë të veçantë ajo ka zgjedhur të festojë mes shumë ngjyrash dhe njerëzish të afërt. Këngëtarja ka publikuar në ‘Instagram’ video të shkurtra, në të cilat shihet duke kërcyer në një ambient të zbukuruar me tullumbaca shumëngjyrësh.
Dafina ka postuar video të tjera, që i kanë surprizuar të gjithë, për shkak të muzikës që ka përzgjedhur për ditëlindjen. Nëse ndokush tjetër do zgjidhte të festonte me këngë ritmike moderne, Dafina shihet teksa dëgjon një këngë për Adem Jasharin të kënduar nga Shkurte Fejza. Këngëtarja duket se e ka shijuar shumë festën për ditëlindjen e saj dhe urimet e shumta që ka marrë edhe nga miqtë në rrjete sociale. Ajo ka publikuar çdo urim në ‘Instagram’ si një formë falenderimi për të gjithë ata që kanë kujtuar ditën speciale të saj. Ndërsa nga fansat ajo nuk ka pritur surpriza, sepse ka vendosur që t’ju bëjë vetë atyre një dhuratë, një këngë të re, që do publikohet gjatë ditës së sotme. /revistawho.com
