“Në kurthin e Piter Pan” është një ndër emisionet më të ndjekur dhe të gjithë fëmijët kanë rrëmbyer zemrat e publikut. Vogëlushët i kanë bërë të gjithë për vete me çiltërsinë që i karakterizon, por njëri prej tyre është kthyer në sensacionin e momentit. Bëhet fjalë për Xheison Baftin, i cili njihet nga publiku si djali që jeton në Mushqeta dhe që shkronjën “k” e shqipton “t”. Videot e Xheison janë përhapur me shpejtësi në të gjitha rrjetet sociale dhe Alketa ka treguar se ka një dobësi ndaj tij.
https://www.instagram.com/p/Bv_UamYBd_9/
Moderatorja ka thënë se nuk bën dallime mes fëmijëve, por Xheison e cilëson si një fenomen dhe madje ka premtuar se do i ndryshojë jetën. Së fundmi Alketa ka treguar se kjo gjë nuk do të mbetet vetëm në kuadrin e fjalëve, sepse sot ka shkuar për vizitë në fshatin e vogëlushit.
Ajo ka publikuar në ‘Instagram’ video në të cilat shihet duke udhëtuar drejt Mushqetas dhe pyet kalimtarët për Xheison. Më pas ajo ka vizituar shkollën e vogëlushit dhe ka zbuluar se po përgatisin një surprizë për të.
Moderatorja ka thënë shpesh se prindërit e vogëlushit bëjnë një sakrificë shumë të madhe, prandaj Xheison dhe familja e tij meritojnë çdo gjë. /revistawho.com
