Ditën e sotme të gjithë u surprizuan pasi mediat botërore publikuan disa foto nga ambientet e jashtme të kështjellës së Dukeshës Meghan dhe Princ Harry. Të gjithë menduan se ardhja e fëmijës është afër duke marrë shkas nga lajmet që kanë qarkulluar për lindjen në shtëpi. Sipas përfaqësuesve nga pallati mbretëror, Meghan ka dashur ta sjellë fëmijën në jetë në kushtet e shtëpisë dhe kjo ambulancë u pa si një shenjë se momenti i madh ka ardhur. Shumë menduan se makina ishte aty për sigurinë e dukeshës, por burime pranë përfaqësuesve të spitalit janë shprehur se nuk kanë të bëjnë me çiftin mbretëror. Ambulanca, sipas tyre ndodhej aty pasi shoferët po merrnin disa ushqime.
Më vonë u vu re edhe prania e një helikopteri që i rriti edhe më shumë dyshimet, por ende asgjë nuk është zbuluar me saktësi. Nëse lajmi është i vërtetë, Meghan ka lindur sot ose do bëhet nënë nesër.
Megjithatë, i sigurt është fakti që lajmi i shumëpritur nuk do zbulohet menjëherë. Meghan dhe Harry kanë vendosur ta festojnë privatisht këtë moment të veçantë dhe pastaj ta ndajnë me publikun. /revistawho.com
