Që prej fillimit të sezonit të ri televiziv në muajin shtator, Bieta Sulon e pamë të drejtojë programin e pasdites në ekranin ku ajo punon prej shumë vitesh, ‘Top Channel’. Së fundmi moderatorja ka ndarë një detaj interesant me të gjithë ndjekësit e saj duke treguar se në muajt e parë të drejtimit të emisionit kishte në rrjetin e saj social rreth 40 mijë ndjekës, ndërsa sot pas 8 muajsh numëron 100 mijë ndjekës.
“Në shtator kur nisa ‘Ftesë në 5’, kisha rreth 40 mijë ndjekës. Sot, 8 muaj më pas, jemi shtuar. Një tregues dhe mbështetje. Faleminderit”, ka shkruar Bieta krahas fotos së publikuar në ‘Instastory’.
Sulo ka zgjedhur këtë mënyrë për të shprehur mirënjohjen e saj ndaj të gjithë personave që e kanë ndjekur këtë sezon. Për të kjo rritje brenda 8 muajsh ka vlejtur dhe si një tregues të suksesit të programit të saj dhe mbështetjes nga të gjithë ata që kanë parë ‘Ftesë në 5’.
Kujtojmë se Bietën do ta shohim shumë shpejt në sezonin e dytë të ‘Top Talent’, ku do të jetë pjesë e jurisë krah disa emrave të tjerë të njohur të gazetarisë./revistawho.com
