Disa muaj më parë juristja e njohur, Eni Çobani, së bashku me ministren për dialog të Kosovës, Edita Tahiri, e cila është dhe mikesha e saj, pësuan një aksident, i cili i tronditi të gjithë. Gjithçka ndodhi në vendin e njohur si ‘Kthesa e Xhanës’ në Tropojë dhe ai moment duket se ngeli shenjë në memorien e Enit.
E ftuar sot në emisionin e pasdites me Rudina Magjistarin, Çobani ka rrëfyer një detaj të trishtë nga momenti i aksidentit. Ajo ka kujtuar se gjatë kohës që makina rrokullisej, i është drejtuar mikes, e cila e shoqëronte duke i thënë: “Edita më fal”. Eni ka treguar se këto fjalë kanë mbetur në memorien e Tahirit, e cila ka pohuar se aksidentin e ka harruar, por jo fjalët e mikeshës së saj.
Fatmirësisht aksidenti nuk pati të lënduar dhe gjithçka u kthye në normalitet pas pak kohësh. Çobani e ka konsideruar këtë moment si një ndër më të vështirët në jetën e saj./revistawho.com
