Dyshimi, Belen Rodriguez takohet fshehurazi me Fabrizio Corona-n

Teksa të gjithë janë duke ndjekur zhvillimet e fundit midis çiftit Belen e Stefano përpara telekamerave të programit televiziv “Pequenos Gigantes” ku të dy janë pjesëmarrës, e përjavshmja italiane “Diva e Donna” hedh një “bombë”. Sipas artikullit, burime të sigurta pranë ish të dashurit të Belen, Fabrizio Corona bëjnë me dije se midis te dyve ka pasur takime sekrete. Ata janë takuar fshehurazi, gjithmonë gjatë natës. Mendohet që takime i ish-çiftit janë bërë në shtëpinë e Corona-s. Dhe në fakt mediat italiane kujtojnë se pas ndarjes me bukuroshen argjentinase, Fabrizio kishte deklaruar “Belen do të kthehet tek unë”. Por tani nuk dihet në çfarë roli është rikthyer ajo në jetën e tij, në atë mikeshës, të dashurës apo për punë. Ende nuk ka foto që mund të dëshmojnë për vizitat e fshehta në mes të natës të Belen Rodriguez në shtëpinë e ish-të dashurit famoz, ndërkohë pritet një reagim prej saj.