Në valën e thashethemeve për lindjen e Meghan Markle, Princ Harry anulon udhëtimin e tij

Prej ditësh Meghan Markle dhe Princ Harry qëndrojnë në krye të titujve të çdo medie për shkak të shtatzënisë se dukeshës. Një pjesë e madhe e njerëzve mendojnë se Meghan ka sjellë në jetë fëmijën e saj dhe të Harry-t, por ende nuk ka lajmërim nga ana e pallatit mbretëror. Së fundmi dyshimet për ardhjen e të voglit në jetë janë shtuar akoma dhe më shumë, pasi Princi Harry ka anuluar udhëtimin e tij në Amsterdam, që ishte për të mërkurën e ardhshme. Këtë lajm e ka bërë të ditur një reporter i familjes mbretërore, por ai ka shtuar se princi nuk ka anuluar ende vizitën tjetër në datën 9 maj. Nuk dihet arsyeja se pse Harry e anuloi udhëtimin e tij, por mundet që lindja e Meghan të jetë një ndër arsyet. Megjithatë çdo lajm që është publikuar deri më tani për fëmijën që pritet të vijë në jetë është hedhur poshtë nga pallati mbretëror, kështu që askush nuk mundet të flasë me siguri të plotë. /revistawho.com