U tha se nuk flet më me Erik Lloshin, Anxhela Peristeri tregon të vërtetën e raportit të saj me këngëtarin

Në nëntor të 2018 Anxhela Peristeri organizoi një koncert recital, i cili rezultoi mjaft i suksesshëm. Në atë kohë tërhoqi vëmendjen mungesa e mikut të saj Erik Lloshit, i cili nuk ishte i pranishëm në koncert. Për këtë shkak në disa media u shpërnda lajmi se dy artistët nuk janë më miq me njëri-tjetrin dhe askush prej tyre nuk reagoi në lidhje me këtë çështje. Së fundmi Anxhela Peristeri ka treguar si qëndron e vërteta dhe si është raporti i saj me Erikun. Këngëtarja ishte e ftuar ditën e sotme në emisionin “Vizioni Pasdites”, ku ka zbuluar se lajmi për prishjen e miqësisë me Erikun nuk është aspak i vërtetë. “E hedh poshtë këtë lajm. Me Erikun flasim, vazhdojmë të jemi kolegë dhe miq”, ka thënë Anxhela. Më tej ajo ka shtuar se Lloshi nuk mund të ishte i pranishëm në koncertin e saj, për shkak të një problemi të tijin personal, prandaj lajmi u përhap me shpejtësi në media. Anxhela Peristeri dhe Erik Lloshi ruajnë prej vitesh një miqësi të mirë me njëri-tjetrin, madje ata kanë realizuar edhe disa bashkëpunime si: “T’kam bërë të qash” dhe “S’ka si ne”. /revistawho.com