Pas lindjes së Luna-s në 2016, Chrissy Teigen ka vuajtur nga depresioni. Në vitin 2017, ajo bëri një shkrim për ‘Glamour’ ku shkruante se ajo kishte qenë e mërzitur për pothuajse një vit, por gjithmonë mendonte se kjo ishte një gjendje normale. Ajo kishte çdo gjë që kishte dëshiruar, por prapë nuk ndihej e lumtur. Modelja nuk ka pasur asnjëherë dëshirë të flasë për këtë temë, pasi ka menduar gjithmone se mund të kthehej në diçka serioze, megjithatë së fundmi vendosi se gjëja më e mirë ishte të fliste mbi këtë temë. “Mendova se ishte gjëndje normale pas lindjes së bebit, por njerëzit rreth meje më thonin se shihnin një ndryshim personaliteti tek unë dhe kjo gjë më ndihmoi shumë, vërtetë kisha ndryshuar”, u shpreh Chrissy gjatë një interviste për ‘Today’. Pasi ka kaluar një gjendje të tillë, Chrissy gjithashtu ka vendosur të këshillojë të gjitha mamatë që mund të ndihen njësoj si ajo. Për të dhe për këdo tjetër që vuan nga depresioni pas lindjes, mbështetja e miqve dhe familjarëve është mënyra më e mirë për ta kaluar./revistawho.com
https://www.instagram.com/p/Bw9vM-DBlZI/?utm_source=ig_share_sheet&igshid=ab93bzagd0yu
