Elita Rudi i është rikthyer postimeve në ‘Instagram’, menjëherë pasi solli në jetë Zërin. Ajo është shfaqur në formë shumë të mirë fizike edhe pas shtatzënisë. Pak minuta më parë moderatorja publikoi sërish një foto të vetes. E veshur me një palë pantallona rozë, taka dhe një gjysmë kanatjere, Elita ka arritur të marrë shumë komente pozitive nga fansat, por jo vetëm.
Megjithatë diçka tjetër ka tërhequr vëmendje. Një nga ndjekëset e bukuroshes së ekranit, ka komentuar mënyrën se si ajo shfaqet në ‘Instagram’. “E paska mbuluar barkun. Një nënë e re duhet të jetë krenare për strijat ose barkun që nuk bie menjëherë pas lindjes. Jo të dukesh gjoja perfekte”,-shkruan vajza.
Përgjigja e Elitës nuk vonoi: “Postoj edhe video në ‘Instastoy’ e dashur, mos u bë merak. Nuk kam strija, por siç duket kam vijën e zezë që ndryshe në anglisht quhet ‘Linea Nigra’. Prandaj nuk jam perfekte. Jam siç jam! Nëse nuk ndihesh mirë ose nuk të jap energji të mirë, të lutem vetëm bëj ‘unfollow’. Shumë e thjeshtë”.
Siç edhe kuptohet nga përgjigja e moderatores, fotot që publikon në rrjete sociale janë pranë realitetit dhe ajo pranon se pas shtatzënisë i kanë mbetur disa shenja të vogla.
Për ata që nuk e dinë ‘Linea Nigra’, është një vijë e zezë që shfaqet në muajin e 5-të të pritjes së ëmbël tek disa femra. Nuk dihet ende saktësisht nga se shkaktohet, por shkenctarët kanë ngritur teorinë e lidhjes së saj me nivelin e hormoneve që pëson ndryshime gjatë 9 muajve të shtatzënisë. Kjo vijë nuk shkakton probleme, as nuk mund ta shmangësh apo evitosh sepse është pjesë e procesit, por gjasat janë të mëdha që disa muaj pasi fëmija vjen në jetë do të zhduket vetë. /revistawho.com
