Valdrin Sahiti ka arritur një sukses të jashtëzakonshëm edhe jashtë trojeve shqiptare. Personazhe të njohur ndërkombëtarë kanë zgjedhur që në eventet më të rëndësishme të vishen me fustane që mbajnë firmën e tij. Shpeshherë stilisti shqiptar udhëton drejt Dubait apo Amerikës për të lënë takime me vajzat që duan të vishen prej tij. Këtij suksesi të stilistit i gëzohet edhe e gjithë familja, në veçanti nëna e tij.
Valdrini ka publikuar në ‘Instagram’ një foto, në të cilën shihet se ka marrë një mesazh në telefon shumë emocionues nga e ëma. “T’u gëzoftë jeta ashtu si ma kënaqe zemrën o yll bote. Qofsh i lumtur gjithmonë! Nuk kam fjalë ta përshkruaj kënaqësinë time kur shoh sukseset e tua në jetë. Sukseset mos t’u ndalshin kurrë deri në piedestal”, ka shkruar nëna e tij.
Duke qenë se ky mesazh e ka emocionuar shumë Valdrinin, ai nuk është menduar dy herë që ta ndajë me të gjithë. “Vetëm një grua mund ta dojë një burrë më shumë se veten e saj. Është nëna e tij. Të dua mami!”, ka shkruar stilisti bashkangjitur mesazheve. Kujtojmë se Sahiti është edhe vetë baba i një vajze dhe e kupton shumë mirë se çfarë do të thotë dashuria e prindit për fëmijën. /revistawho.com
