Ditën e sotme një nga personat më të rëndësishëm të Flaka Krelanit, gjyshja e saj, feston ditëlindjen. Duke qenë se gjyshet janë nga njerëzit më të dashur për të gjithë, këngëtarja shqiptare nuk ka ngurruar t’i shprehë disa fjalë zemre. Krelani e ka prezantuar për herë të parë me të gjithë ndjekësit e saj në rrjete sociale dhe ka treguar se ajo është nga gjyshet më ‘cool’. Në fakt Flakës i japim shumë të drejtë, sepse në videon që ajo ka publikuar në ‘Instagram’ gjyshja shihet teksa dëgjon me kënaqësi këngën “I feel it coming” të The Weeknd. Përkrah videos së publikuar Flaka ka shkruar: “Urime ditëlindjen mbretëreshë. Të dua pafund! Kam gjyshen më ‘cool'”.
Siç duket tashmë në listën e gjatë të gjysheve më ‘cool’ të personazheve të njohur shqiptarë duhet të shtojmë edhe atë të Flakës. Këngëtarja e njohur ka treguar shpesh se ka një lidhje shumë të ngushtë me gjithë familjarët e saj dhe me të tilla postime si ky e ka vërtetuar herë pas here. /revistawho.com
