Duket e çuditshme kur e dëgjojmë, por disa të famshëm shqiptarë kanë një ngjashmëri të frikshme me VIP-at e huaj. Nuk flasim për mënyrën e veshjes, stilimit apo ngjyrës së flokëve, por për tiparet fizike. Nëse nuk na besoni, hidhini një sy listës më poshtë të përgatitur nga ne:
1. Fjolla Morina dhe Kim Kardashian
Prej kohësh, Fjolla Morina është komentuar për ngjashmërinë e saj me yllin e njohur, Kim Kardashian. Këngëtarja shqiptare shpeshherë realizon dhe sete fotografike inspiruar nga Kim, gjë që e bën akoma më të dukshme ngjashmërinë e tyre.
2. Yllka Kuqi dhe Hailey Bieber
Sozia e Yllka Kuqit është Hailey Bieber dhe kjo gjë është vënë në dukje nga fansat e këngëtares. Nëse i hidhni një sy ‘Instagram-it’ të saj, do të shihni se nuk mund ta injoroni ngjashmërinë e saj me modelen.
3. Kanita dhe Zara Larsson
Kanita është një nga këngëtaret më të reja të showbiz-it shqiptar, e megjithatë ndjekësit e saj kanë qenë të shpejtë dhe ia kanë gjetur menjëherë sozinë. Kanita dhe Zara Larsson duken njësoj dhe përveç pamjes, ato i bashkon thjeshtësia dhe talenti në muzikë.
4. Fjoralba Ponari dhe Elçin Sang
Fjoralba Ponari ka vjedhur menjëherë zemrat e publikut shqiptar që pas daljes së parë në ekran. Fansat e saj dhe madje familjarët i kanë vënë shpeshherë në dukje ngjashmërinë e saj me aktoren turke, Elçin Sang, madje dhe vetë moderatorja e ka pranuar se ia kanë thënë dhe shumë të tjerë më parë.
5. Lei Kraja dhe Georgina Rodriguez
Georgina Rodriguez u njoh nga publiku si e dashura e Cristiano Ronaldos, por bukuria e saj dhe format trupore tërhoqën më shumë vëmendje. Së fundmi, në portalet shqiptare, e kanë krahasuar modelen me Lei Krajën dhe të themi të vërtetën, duken si dy pika uji.
6. Dua Lipa dhe Brittany Xavier
Dua Lipa është një nga këngëtaret më të njohura dhe të pëlqyera kudo nëpër botë, megjithatë edhe ajo duket se ka një sozi. Brittany Xavier është një modele e re, e cila jeton në Los Angeles dhe duket njësoj si Dua Lipa.
7. Eva Murati dhe Jennifer Lopez
Gjatë një ‘bisede’ me fansat e saj në ‘Instagram’, dikush i vuri në dukje Eva Muratit ngjashmërinë e saj me aktoren dhe këngëtaren e njohur, Jennifer Lopez. Moderatorja publikoi një foto të saj bashkangjitur me atë të Jennifer dhe ngjashmëria e tyre është e dukshme.
8. Era Istrefi dhe Bella Thorne
Era Istrefi është e njohur për guximin e saj përsa i përket pamjes fizike, njësoj si aktorja e njohur Bella Thorne. Përveç kësaj, ato kanë dhe një ngjashmëri përsa i përket pamjes fizike dhe këtë mund ta vërtetoni nga kjo foto:
