Rita Ora është renditur mes muzikantëve më të pasur të Britanisë këtë javë, pasi u publikua ‘The Sunday Times Rich List’. Ajo ka zënë një vend të mirë në renditje me pasurinë që deri tani kap vlerën e 18 milionë paundve dhe pritet të rritet. Në media siç keni lexuar është zbuluar se prindërit e saj kanë blerë një shtëpie në vendlindje, Kosovë. Sipas ‘The Sun’ ka qenë Rita ajo që ka paguar plot 1.5 milionë paund për shtëpinë luksoze që është publikuar më herët.
Kjo është parë si një mënyrë indirekte për të ndihmuar në zhvillimin ekonomik të Prishtinës. Ndërsa burime pranë familjes kanë treguar se Rita ndjen një detyrim shumë të madh ndaj kontributit që kanë dhënë familjarët e saj për karrierën muzikore dhe këto shpenzime janë një nga mënyrat që ajo ka zgjedhur për t’ju treguar sa mirënjohëse është ndaj tyre. / revistawho.com
