Dijedon Musa ishte një nga banorët të ‘Big Brother Albania 8’, i cili më së shumti u përmend në media për lidhjen e tij me Alba Çobaj, që zgjati dhe pas daljes nga shtëpia. Tani, Dijedoni i është përkushtuar profesionit si stomatolog, emisionit të tij më të ri të shëndetësisë, si edhe lidhjes së tij, fillimet e së cilës kanë qenë në klinikë . Gjatë një interviste për ‘Panorama Plus’, Dijedoni nuk e ka zbuluar emrin e vajzës me të cilën është dashuruar, por është shprehur kështu: “Gjërat e bukura vijnë ngadalë, besoj unë. Është një kolege e imja që jemi njohur në klinikë. Pastaj avash-avash e kemi zhvilluar marrëdhënien. Por do e shpalos me kalimin e kohës”. Ai e ka bërë publike lidhjen nëpërmjet fotove me partneren e tij në ‘Instagram’ dhe mesa duket, zgjedhja për të mos publikuar foto deri tani, ka qenë e të dyve. “Pikërisht kjo ishte arsyeja që nuk e kemi bërë publike deri tani marrëdhënien. Siguria është diçka që vjen me kohën, por njëkohësisht edhe diçka që nuk mjafton kurrë. Për dashurinë nuk ka njësi matëse dhe rrjedhimisht nuk mund të vlerësojmë asnjëherë se sa shumë jemi të dashuruar. Por unë veten time po e shoh në një gjendje të paimagjinuar e të paprovuar më parë, sa i përket dashurisë”, ka vazhduar ai. Përsa i përket planeve për martesë, Dijedoni është shprehur se ende nuk ka asnjë plan konkret, por së shpejti do të ketë ndryshime./revistawho.com
