Justin Bieber flet hapur, në këngën e re tregon gjithçka për problemet e tij me ankthin

Ditën e sotme Justin Bieber dhe Ed Sheeran publikuan këngën, “I don’t care”, e cila është dhe bashkëpunimi i parë mes tyre si këngëtarë. Kënga u pëlqye shumë dhe që në minutat e para të publikimit u klikua me mijëra herë. Pavarësisht se është një këngë dashurie, në të Justin flet edhe për problemet me ankthin. Në një pjesë ai këndon: “Me gjithë këta njerëz rreth e rrotull jam i paralizuar nga ankthi, por unë duhet të jem këtu, e di?”. Më pas dy artistët këndojnë njëzëri: “Nuk më intereson asgjë kur jam me ty zemër. Të gjitha gjërat e këqija zhduken”. Me këtë rast Bieber tregon edhe që partnerja e tij Hailey Baldwin është mbështetja më e madhe për të. Ai ka thënë shpesh se ajo e ka ndihmuar të kalojë periudhat më të vështira në jetë dhe se ndjehet shumë pranë saj. Pak javë më parë Justin pranoi publikisht se kishte disa probleme me shëndetin mendor dhe prandaj vendosi që për pak kohë të shkëputet nga muzika. /revistawho.com