Rita Ora është një nga këngëtaret më të njohura dhe të pëlqyera kudo nëpër botë, ndërsa muzika e saj qëndron gjatë në majat e klasifikimeve. Pavarësisht famës së saj, Rita asnjëherë nuk lë pas dore dhe vendlindjen e saj, Kosovën. Pak kohë më parë, Rita bashkë me organizatën ‘UNICEF’ kanë vizituar disa vende të Kosovës, familjet e të cilave jetonin në kushte jo të mira dhe kishin nevojë për mbështetje. Ky gjest u prit shumë mirë nga të gjithë, madje Rita mori vlerësime nga shteti kosovar. Së fundmi, këngëtarja shqiptare, e falenderoi organizatën nëpërmjet një postimi në ‘Instagram’, për punën e tyre në atdheun e saj, si dhe dha lajmin se tashmë ishte bërë ambasadore. “Unë jam përtej e nderuar që të ndajë me ju gjithçka nga emërimi im si ambasadore e ‘UNICEF’. Që nga viti 2013, kam mësuar shumë për ‘UNICEF-in’ dhe punën e mrekullueshme që ata bëjnë për të nxitur ndryshime pozitive për fëmijët e së ardhmes sonë. Udhëtimi im i fundit në Kosovë më lejoi të shoh punën e mrekullueshme të ‘UNICEF-it’ në vendin tim dhe unë jam më e vendosur se kurrë për të shfrytëzuar pozitën time për të mbështetur, për të bërë fushatë dhe për të mbrojtur. Faleminderit ‘UNICEF’. Unë jam pa fjalë!”, ka shkruar Rita. Nuk kanë munguar komentet e fansave dhe kolegëve të saj patriotë, të cilët falenderojnë këngëtaren për nismën e saj./revistawho.com
https://www.instagram.com/p/BxUarJnhVdo/?utm_source=ig_share_sheet&igshid=18vej7msaywfh
