Skandalet e mashtrimit të çiftit Loredana-Mozzik nuk kanë të mbaruar. Pas konferencës për shtyp në Prishtinë ku këngëtarët u munduan të sqaronin situatën e tyre, në prani të avokatëve, mediat zviceriane kanë vazhduar të publikojnë denoncime të tjera. Këtë herë, thuhet se edhe vëllai i Mozzik, Getinjo, ka marrë afërsisht 12 mijë franga nga Petra Z. Ndryshe nga Loredana dhe Mozzik, reperi ka vendosur të reagojë menjëherë me një foto në ‘Instastory’ ku shkruan: “Shumë të mira frangat”, mbi një foto me një dollap të mbushur me franga. Nuk zgjati shumë dhe Getinjo e fshiu foton, megjithatë ajo u përhap shpejt në portalet shqiptare. Kujtojmë që Getinjo ka qenë mbështetja më e madhe e vëllait dhe kunatës së tij, duke mohuar çdo lajm që ka qarkulluar./revistawho.com
