Ditën e djeshme, menaxheri i kompanisë ‘On Records’, Met Elshani u plagos nga disa persona në lagjen Dardania. Pavarësisht se kjo ngjarje e pakëndshme nuk solli pasoja serioze, Elshani u shoqërua menjëherë për të marrë ndihmën e parë, ndërsa pranë tij qëndruan kolegët, miqtë dhe familjarët e tij. Sot reperi shqiptar, Fero, i cili ka një marrëdhënie të ngushtë me menaxherin e tij, reagoi nëpërmjet një fotoje në ‘Instagram’. “Një vëlla nuk mund të jetë gjithmonë një shok, por një shok është gjithmonë një vëlla”, ka shkruar ai, duke shprehur publikisht mbështetjen e tij ndaj Metit. Nuk kanë munguar dhe komentet nga fansat dhe kolegët e tyre, të cilët gjithashtu tregohen suportivë ndaj Elshanit./revistawho.com
https://www.instagram.com/p/BxmPIG0nOQ-/?igshid=gkxjtf8do1ht
