Disa muaj më parë moderatorja Elita Rudi dhe reperi i njohur, Gjiko u bënë prindër për herë të parë me një djalë të quajtur Zëri. Dyshja ka publikuar momente të ndryshme me vogëlushin e tyre, duke zbuluar se tashmë ai është prioriteti kryesor i tyre, krah impenjimeve në televizion dhe muzikë. Ndonëse nuk ka kaluar shumë kohë nga ardhja në jetë e fëmijës së tyre të parë, Elita ka shprehur dëshirën për ta zgjeruar familjen edhe me një vajzë.
Ajo ka publikuar një foto të vetes së saj me pamjen si fëmijë me një nga filtrat e ‘Snapchat’ dhe bashkangjitur ka shkruar: “Vajza ime e ardhshme”. Me postimin e bërë në ‘Instagram’, Elita ka zbuluar se dëshiron që vajza t’i ngjasojë vetë moderatores.
Nuk dihet nëse fëmija i ardhshëm është në planet e afërta të dyshes, por deri tani duket se ata po shijojnë të dy ndjesitë e të qenit prindër për herë të parë./revistawho.com
