Në shtator të këtij viti, Blero dhe partnerja e tij, Afrona do të kurorëzojnë me martesë dashurinë e tyre. Pavarësisht se duhen ende dhe pak muaj derisa të afroj dasma, ata të dy kanë nisur nga përgatitjet. Ditën e sotme Blero zbuloi se e kishte zgjedhur kostumin e tij të dhëndrit, i cili është punuar nga stilisti i njohur shqiptar, Valdrin Sahiti. Ndërsa Afrona ka treguar se ka nisur përgatitjet për organizimin e festës së beqarisë. Ajo ka publikuar në ‘Instagram’ një foto, në të cilën shihet një vello e bardhë nusërie, ku shkruhet “Zonja Muharremi e ardhshme”. Afrona me këtë foto ka treguar se festa e beqarisë po afron dhe se ajo ndjehet e lumtur për këtë fakt. “Fundjava e beqarisë po afron”, ka shkruar modelja e njohur.
Nuk dihet se në çfarë vendi do e organizojë ajo festën e saj, megjithatë me siguri duhet të ketë menduar edhe për detajet më të vogla, që gjithçka të jetë perfekte. Pak muaj më parë u zbulua nga “Prive” se Blero dhe Afrona do të martohen në 21 shtator në një nga hotelet më të mira në zonën e Ranës së Hedhur në Lezhë.
