Familja e Emina Cunmulaj feston sot më e lumtur se kurrë. Modelja shqiptare ka bërë me dije se e bija, Mia Soraya feston 1–vjetorin e lindjes dhe ka zgjedhur fjalët më të ndjera për ta uruar.
“E vogla ime është 1 vjeç. Gëzuar ditëlindjen Mia Soraya. Nuk më besohet që më zgjodhe mua për të qenë nëna jote. Sa e lumtur mund të jetë një mama?”,-shkruan ajo krahas fotos së ëmbël të vogëlushes.
Më herët, Emina ka ndarë me ndjekësit në ‘Instagram’ momente nga përgatitjet për festimet e para dedikuar së voglës. Detajet që ajo ka publikuar kanë lënë të kuptojmë se festa do të jetë gjigande dhe shumë argëtuese.
Kujtojmë se modelja ka edhe një vajzë tjetër më të rritur që quhet Ella. Fotot e të bijave janë kryefjala e profilit të saj në ‘Instagram’. /revistawho.com
