Linda Halimi jeton prej kohësh në SHBA, ku edhe ka ndërtuar karrierën e saj dhe familjen. Kontaktin me vendlindjen e ka të vazhdueshëm, por fama e saj kalon përtej kufijve shqiptarë. Me siguri e mbani mend kur Linda Halimi përfaqësoi Shqipërinë në ‘Eurovision’ në 2017-ën. Pikërisht aty filloi që vëmendja ndaj saj të shkojë në një tjetër nivel.
Edhe pse kanë kaluar dy vite nga ai moment, ka akoma fansa të këngëtares nga vende të ndryshme të botës që flasin për të, dëgjojnë këngët e saj dhe e mbështesin. Pikërisht një mesazh nga një prej tyre, Linda e ka publikuar në ‘Instagram’. Djali në fjalë është nga Kina dhe i ka shkruar këngëtares për t’i treguar vlerësimin që ka për të, prej kohës kur u shfaq në festivalin europian. Fansi i ka kërkuar që t’i nisë një album me autograf, pasi dëshiron shumë të dëgjojë dhe këngë të tjera të saj. Linda ka përfituar nga ky mesazh për të treguar dashurinë që ka për fansat, por ka dhënë e dhe një lajm. Së shpejti do vijnë disa gjëra të bukura që ajo ka përgatitur. Pas lindjes së vajzës, më në fund, Linda ka premtuar rikthim në skenë. /revistawho.com
