Aktori Daniel Craig është shumë i njohur për rolin si James Bond në filmin aksion më të sukseshëm në botë. Ai ka luajtur prej vitesh, rolin e ‘Agjentit 007’ dhe së fundmi ka nisur xhirimet për serinë e radhës, por një lajm i keq i ka mërzitur fansat e tij ditën e sotme. Faqja zyrtare e filmit në ‘Twitter’ ka lëshuar një deklaratë ku zbulon se 51-vjeçari ka kryer një operacion pasi është lënduar në xhirime. Mësohet se incidenti ka ndodhur gjatë filmimeve në Jamaica dhe Daniel ka dëmtuar kyçin e këmbës.
“Produksioni do vazhdojë, ndërkohë që Craig merr veten edhe për dy javë pas operacionit. Filmi vazhdon me planin fillestar dhe do publikohet në prill të 2020-ës”,-shkruhet në deklaratë.
Kjo nuk është hera e parë që aktori i njohur dëmtohet në sete filmike. Në 2016-ën ai dëmtoi dhëmbët gjatë një skene me dhunë. /revistawho.com
