Anxhela Peristeri ka shumë vite që është pjesë e skenës muzikore dhe vazhdon të jetë një nga artistet e preferuara të publikut shqiptar. Pak ditë më parë ajo zbuloi se është 33 vjeçe, që fansat e saj të mos i ngatërrojnë më moshën, për shkak të viteve të shumta që ka në skenë. Së fundmi Anxhela ka publikuar në ‘Instagram’ një foto të vjetër të sajën, në të cilën vihet re se me kalimin e viteve asgjë nuk ka ndryshuar në pamjen e saj. Fotoja dallohet se është shkrepur shumë kohë më parë dhe këngëtarja duhet të ketë qenë në adoleshencë ose në të 20-tat e saj. Pavarësisht se kanë kaluar shumë vite, duket se Anxhela vazhdon ta ruajë origjinalitetin në pamjen e saj.
Madje përmes kësaj fotoje kuptohet se këngëtarja nuk ka preferuar të eksperimentojë as me ‘look-un’ e saj, bëhet fjalë për flokët, sepse dhe sot i ka pothuajse të njëjtë që nga ajo kohë. Prandaj kjo duhet të jetë një ndër arsyet kryesore që publiku vazhdon ta dojë Anxhelën njësoj si ditën e parë. Kujtojmë se së fundmi këngëtarja ka publikuar këngën “Maraz”, që u prit shumë mirë nga fansat e saj. /revistawho.com
