Artisti i njohur, Adam Levine, ka qenë për 16 sezone pjesë e “The Voice” në Amerikë dhe pak kohë më parë konfirmoi se do të ishte pjesë edhe e sezonit të 17-të. Por ditën e sotme është mësuar se ai nuk do të jetë më pjesë e spektaklit të muzikës dhe vendin e tij do e zëvendësojë një tjetër artiste shumë e njohur. Lajmi është konfirmuar nga moderatori Carson Daly, i cili zbuloi se karrigen e Adam do e zërë Gwen Stefani.
Adam Levine ka qenë pjesë e këtij spektakli për 8 vite me radhë dhe ka qenë një nga trajnerët më të gjallë në çdo edicion të “The Voice”. Për këtë arsye largimi i këngëtarit të njohur mërziti shumë fansa të spektaklit, të cilët shprehen se pa të nuk do jetë më njësoj si më parë. Gjatë 16 sezoneve Adam arriti të fitonte tre herë si trajner, ndërsa Gwen Stefani nuk është e panjohur në “The Voice”, sepse ka punuar edhe më parë aty. /revistawho.com
