Meghan Markle dhe Princ Harry duket se do të kenë disa probleme të tjera lidhur me privatësinë e tyre. Kjo për shkak se lagja në të cilën ndodhet shtëpia e dyshes, do të jetë e hapur për të gjithë turistët. Kopshtet të cilat ndodhen shumë pranë rezidencës së dukeshës dhe princit, do të jenë të lira për t’u vizituar nga turistët dhe kjo do të realizohet nga ‘Nation Open Garden’ si dhe organizata ‘British Heart’.
Ky lajm bëri që dyshja mbretërore të kujdeset për sigurinë maksimale këto ditë. Sipas ‘Daily Mail’, vizitorët janë shprehur se ata kanë mundur ta shohin shtëpinë e çiftit të Sussex dhe kanë arritur të afrohen duke kapur fotografi të ndryshme, pavarësisht se policët i kanë lajmëruar që të mos afrohen shumë.
Kujtojmë se Harry dhe Meghan u bënë prindër për herë të parë në 6 maj, me një djalë të quajtur, Archie. Që prej atij momenti dyshja u zhvendos në Frogmore, për të qenë më larg vëmendjes së mediave dhe për të pasur një jetesë sa më private./revistawho.com
