Pak ditë më parë Granit Xhaka dha lajmin e madh se do të bëhej baba për herë të parë. Ai publikoi në ‘Instagram’ një foto të bashkëshortes së tij, Leonita, me mbishkrimin: “Mami dhe babi po të presin”. Të dy kanë treguar se ndjehen të lumtur për këtë bekim dhe tashmë vogëlushi është kthyer edhe në motivimin më të madh të tyre. Mbrëmjen e sotme po mbahet finalja e madhe e “Europa League”, në të cilën përballet skuadra e “Arsenal-it” dhe “Chelsea”. Emocionet për futbollistin shqiptar, i cili është pjesë e “Arsenal” duhet të jenë të forta, por sot ai ka një mbështetje shumë të madhe. Pak para fillimit të ndeshjes bashkëshortja e tij publikoi një foto nga shtëpia, në të cilën shfaqej me barkun e rrumbullakosur veshur me fanellën e “Arsenal-it”. Me këtë foto kaq të ëmbël ajo i uroi fat Granitit nga ana e saj dhe fëmijës që do të vijë në jetë. “Paç fat babi! Mami dhe unë të duam shumë”, ka shkruar Leonita përkrah fotos së saj.
Nuk dihet se si do të përfundojë sot ndeshja, por me siguri ky duhet të jetë një nga urimet më të bukura që Graniti ka marrë deri më sot gjatë gjithë viteve të karrierës. Kujtojmë se futbollisti shqiptar dhe partnerja e tij kurorëzuan dashurinë e tyre me martesë gjatë korrikut të viti 2017-të. /revistawho.com
