Në vitin 2017-të Liam Payne u bë baba për herë të parë. Ish-partnerja e tij, Cheryl, solli në jetë një djalë, të cilin e pagëzuan me emrin Bear. Së fundmi Liam ka rrëfyer eksperiencën e tij si baba, që për të duket se ka qenë shumë e lodhshme. Ndryshe nga pjesa më e madhe, në një intervistë për “Esquire Middle East” këngëtari është treguar i sinqertë dhe ka thënë se atij i është dashur të mësojë shumë se si të sillej me vogëlushin e tij.
“Njerëzit mendojnë se sapo ndizet një dritë ti je menjëherë baba, por nuk është kështu. Të jesh baba është diçka që ti duhet ta mësosh dhe nuk kam frikë të them se të merr shumë kohë ideja për të kuptuar se çfarë do të thotë”, është shprehur Payne. Ai ka shtuar se vështirësia më e madhe qëndron në mungesën e komunikimit, sepse nga një bebe ti nuk mund të kuptosh se çfarë ai dëshiron.
“Moskuptimi është gjëja më e vështirë, veçanërisht kur ke një fëmijë që nuk kupton si të komunikojë dhe ti nuk mund të kuptosh se çfarë ai do”, ka thënë këngëtari. Pavarësisht se Liam i dha fund lidhjes së tij me Cheryl në korrik të 2018-tës, ata kanë ndarë mirë detyrat me njëri-tjetrin dhe kujdesen së bashku për djalin e tyre. /revistawho.com
