Mbrëmja e djeshme solli në Tiranë, eventin më glamour të vitit, ku të gjithë të famshmit bëhen bashkë si rrallë herë ndodh, për të ndjekur nga rreshti i parë i një pasarele gjigande sfilatën e “Geraldina Sposa”.
Prej 16 vitesh kemi pasur fatin të shijojmë eventin, që bën bashkë të gjithë njerëzit që e njohin të bukurën dhe lumturinë e jetës.
Pas sfilatës së vjetshme, që për herë të parë u zhvillua pa publik, “Geraldina Sposa” u rikthye për t’i dhuruar kryeqytetit mbrëmjen më të bukur, nga ato që vështirë se fshihen nga memoria edhe kur kohët kalojnë.
Për të gjashtëmbëdhjetin vit kompania më e madhe e organizimit të eventeve në Shqipëri, krijuese e markës “Geraldina” dhe zotëruese e ekskluziviteteve të rëndësishme në industrinë e fustaneve të nusërisë, nuk zhgënjeu askënd me sfilatën e përmasave të jashtëzakonshme, e krahasueshme lehtësisht me ato të markave më të njohura botërore.
Sfilata e “Geraldina Sposa” ashtu si çdo vit mblodhi emrat më të njohur të vendit dhe të gjithë ata që gjatë kësaj kohe ia kanë besuar momentet më të bukura të jetës këtij emri.
Në një nga rrugicat e hotel “Rogner”, “Geraldina Sposa” e shndërroi sfilatën në një përrallë magjike, njësoj si ajo e “Lizës në botën e çudirave”, nga e cila nuk ndaheshe dot dhe luteshe të mos mbaronte.
E gjithë sfilata ishte e organizuar në tre pjesë, ku secila prej tyre mbartte diçka të veçantë.
Në kalimin e parë 20 modele të njohura parakaluan me fustanet më të bukura, modele autentike të prodhuara nga vetë “Geraldina Sposa”. Detajet e fustaneve të punuar me dorë janë ato që bëjnë diferencën dhe kanë ndërtuar imazhin unik të “Geraldina Sposa”. Parakalimi në pasarelë nisi nga Kaltra Peza, në rolin e Lizës, për të vijuar më tej me emra të njohur si Venera Lumani, Adrola Dushi, Viola Spiro, Dea Mishel, Dojna Mema, Andresa Ambrosio, etj.
Foto: Gent Onuzi
Foto: Gent Onuzi
Foto: Gent Onuzi
Foto: Gent Onuzi
Kalimi i dytë ju ishte besuar nuseve të vërteta, për të përjetuar edhe njëherë të njëjtat emocione si në ditën e dasmës së tyre. Mes tyre edhe dy nuse të famshme “Geraldine”, Vilma Masha dhe Jona Spahiu.
Foto: Gent Onuzi
Blloku i tretë i sfilatës i takoi sërish modeleve të njohura,me veshje nuserie jo konvencionale ku fokusi ishte në markën më të re të këpucëve të nusërisë dhe jo vetëm “Marçela Lati Wedding Shoes”, për ta mbyllur shfaqjen madhështore me një histori dashurie si në përralla, që të magjeps po aq sa çdo histori me princ dhe princeshë… Më shumë mbi të do të mund të zbulojmë të dielën në spektaklin e Gjebreas, deri atëherë do të rrimë me emocionet e një sfilate të realizuar me shumë shije.
“Geraldina Sposa” ka pasur gjithmonë si qëllim të bëjë realitet ëndrrat më të bukura të çdo njeriu dhe gjatë gjithë këtyre viteve e ka kryer me sukses misionin. Sepse “Geraldina Sposa” është thjesht më e mira.
