Pak javë më parë Gjiko tregoi se kishte bërë një blerje mjaft luksoze, diçka jo e zakontë për personazhet e njohur shqiptarë. Në përgjithësi djemtë e showbiz-it kanë tërhequr vëmendjen me makinat e tyre të shtrenjta, ndërsa reperi i befasoi të gjithë kur zbuloi se kishte blerë një jaht. Siç duket ai është mjaft i kënaqur me këtë blerje, ndaj nuk ngurron që këtë gjë ta ndajë me të gjithë. Së fundmi Gjiko ka publikuar në ‘Instagram’ një fotografi në të cilën shihet se ka pozuar përkrah jahtit të tij superluksoz. Po përveç fotos, ajo që tërhoqi më shumë vëmendjen ishte përshkrimi i saj. Gjiko ka thumbuar publikisht kolegët e tij, duke ju treguar se jo të gjithë kanë mundësinë të kenë një jaht privat njësoj si ai. “Nëse ju duhet jahti për videoklip ua jap unë, mos e merrni me qira se ishte i shtrenjtë”, ka shkruar reperi bashkangjitur fotos.
Nuk e dimë se si e kanë pritur artistët e tjerë këtë koment nga ana e Gjikos, por duhet thënë se një pjesë e fansave nuk kanë reaguar shumë mirë, për shkak të mungesës së modestisë së reperit. Megjithatë ndoshta Gjikos në këto momente nuk i interesojnë fjalët e të tjerëve, sepse është duke jetuar periudhën më të bukur si baba i një djali dhe si një artist i suksesshëm. /revistawho.com
