Julian Deda është një aktorët e humorit të skenës shqiptare, i cili e ka nisur rrugëtimin e tij para kamerave shumë vite më parë. Çdo gjë nisi në skenën e ‘Portokallisë’ 15 vite më parë, një eksperiencë kjo që do e mbante Julin për shumë gjatë në ekran.
Përpos të gjitha të qeshurave që Deda ka dhuruar gjithë këto vite për publikun dashamirës dhe përkrahës ndaj tij, aktori ka zgjedhur t’i falenderojë spektatorët me anë të një postimi në ‘Instagram’ krah së cilit ka shkruar: “Karriera ime televizive nisi 15 vite më parë. Me pak fjalë sapo mbylla vitin tim të 15-të kalendarik të daljeve në ekran, daljeve para jush i dashur spektator. Dua të falënderoj gjithkënd që ka kontribuar në një mënyrë apo në një tjetër në karrierën time. 100 herë faleminderit atyre që më dhanë dorën, të cilëve u jam mirënjohës gjithë jetën. 1000 herë faleminderit atyre që kujtuan se do më pengonin në këtë rrugëtim, zoti ja shtoftë inatin.
I heq kapelen bashkëpunëtorëve të mi të afërt, kolegëve të mi, sepse pa ata asnjë batutë, asnjë fjalë e imja s’do kishte kuptim. Përulje për çdo spektator që duartrokiti punën, pa të cilët asnjë tingull, asnjë lëvizje e imja s’do kishte vlerën që ka sot. Sigurisht dashuri pafund për familjen time, që më krijon hapësirën e shumë dëshiruar nga çdo profesionist për të ushtruar këtë profesion.
I dashur publik, shpresoj të kemi për shumë gjatë njëri-tjetrin. Nuk e di se si do më shkojë jeta, por diçka e di me siguri, nga skena dhe nga ju, është shumë vështirë të më shkëpusin, kushdo qoftë, sido qoftë. Ju dua fort”.
Kujtojmë se prej shumë vitesh tashmë, Deda është pjesë e kastit të programit të humorit ‘Duplex’, i cili këtë sezon televiziv u zhvendos në ekranin e ‘Tv Klan’. Ndër vite ai ka luajtur role nga më të ndryshmet, duke siguruar gjithmonë duartrokitjet dhe dashurinë e publikut./revistawho.com
