Tayna ka vetëm një vit që është pjesë e tregut muzikor shqiptar dhe brenda një kohe kaq të shkurtër ka arritur të renditet ndër këngëtaret e preferuara të publikut. Në 1 qershor të 2018-tës ajo bëri debutimin e parë me këngën “Columbiana” dhe pas publikimit të saj zëri i Tayna-s dëgjohej kudo. Reperja krijoi shumë shpejt bazën e fansave të saj, të cilët kanë qenë mbështetja më e madhe për të gjatë gjithë kësaj kohe. Sot Tayna kujton 1 qershorin si ditën më të bukur të saj, prej nga nisi gjithçka për të shkuar në rrugën drejt famës. Ajo ka publikuar në ‘Instagram’ një foto, e cila duhet të jetë shkrepur gjatë xhirimeve të ‘Columbiana’, për të kujtuar hapat e parë të suksesit.
“Sot përpara 1 viti është publikuar ‘Columbiana’ ku nisi gjithçka. Ka qenë një vit plot suksese e sfida dhe një fillim i ri në jetën time. Populli të bën e populli të rrëzon, kështu që faleminderit shumë të gjithë ju që më keni prurë këtu ku jam dhe që ju kanë pëlqyer këngët e mia, edhe për dashurinë e madhe që më jepni akoma. Faleminderit edhe familjes time të dytë ‘Cricket Music’ dhe gjithashtu Don Phenom që është me mua që nga dita e parë. Së shpejti do të digjet vera për herë të dytë”, ka shkruar Tayna.
https://www.instagram.com/p/ByKeCJDgb6u/
Gjatë këtij 1 viti reperja ka publikuar gati 10 këngë, të cilat janë kthyer të gjitha në hit. Kujtojmë se Tayna ishte ndër të parat vajza shqiptare që guxoi të provonte një stil të ri muzikor, atë ‘rap’ dhe kjo ishte një ndër arsyet që mundi të fitonte vëmendjen e publikut.
