Gaz Paja dhe partnerja e tij Ira kanë celebruar dashurinë e tyre ditën e sotme. Pas ceremonisë së shkurtër në taracën e bashkisë, dy të rinjtë kanë vijuar me dasmën që ka mbledhur të gjithë miqtë dhe të afërmit e çiftit. Pamjet e para nga ceremonia dhe ardhja e çiftit i kanë publikuar disa nga personazhet publikë që janë të ftuar, ndër to Amarda Toska dhe kolegët e Gazit në ‘Portokalli’.
Ambjenti është mjaft i bukur dhe i kuruar në detaje për ta bërë gjithçka të duket sa më moderne, por vëmendjen sigurisht që e ka marrë çifti, të cilët kanë shkëlqyer teksa parakalojnë për të bërë hapjen e dasmës. Ira është veshur me një fustan madhështor dhe shumë të bukur, ndërsa përkrah i qëndron Gazi që duket shumë ndryshe nga ç’jemi mësuar ta shohim.
Çifti është pritur me duartrokitje nga të pranishmit, të cilët janë të shumtë në numër. Në vazhdimësi pritet të dalin edhe detaje të tjera nga ceremonia, e cila ka gjasa të jetë tradicionale, por edhe me motive moderne. /revistawho.com
