Një nga balerinët dhe koreografët më të njohur në vend, Albi Nako, ka vendosur që shumë shpejt të ketë një akademi të vetën, ku punën e tij mund ta ‘trashëgojë’ edhe në brezat e ardhshëm. Lajmin e ka dhënë vetë koreografi me anë të një postimi në ‘Instagram’: “Po konkretizohet puna dhe karriera e gjithë këtyre viteve, e cila po përqendrohet në një akademi prestigjioze kërcimi, për të gjithë të apasionuarit pas këtij arti. Së shpejti”,- shkruan ai.
Pas shumë vitesh punë dhe një karriere të gjatë në skenat shqiptare, më në fund Nako ka arritur të realizojë ëndrrën e tij, e cila siç duket do të marrë jetë shumë shpejt, por mbetet për t’u zbuluar data konkrete.
Kujtojmë se Albi Nako ka udhëhequr për shumë vite trupën e baletit të ‘Tv Klan’ dhe ka qenë protagonist në realizimin e shumë spektakleve të suksesshëm. Për pak kohë, të gjithë do të kenë fatin të mësojnë të kërcejnë nga vetë ai./revistawho.com
