‘One Direction’ ishte një nga grupet që doli nga ‘X Factor’ dhe menjëherë fitoi zemrën e publikut me hitet e tyre. Fatkeqësisht, grupi u nda pak vite më pas, por djemtë vazhduan karrierën e tyre si artistë solo. Liam Payne, është një nga ato që ka qenë në qendër të vëmendjes për jetën e tij private, ndërsa së fundmi ai ka habitur me deklaratën në lidhje me famën gjatë kohës kur ka qenë pjesë e grupit. “Kur bën me qindra koncerte dhe janë po ato 22 këngë të njëjta çdo ditë, edhe nëse nuk je i lumtur duhet të dalësh në skenë”, ka thënë Liam. “Ne kemi kaluar shumë bukur bashkë, por duhet ta pranoj se kishte kohë që gjërat bëheshin toksike”, vazhdon ai. Sipas tij, njerëzit që janë pjesë e kësaj industrie dhe kanë probleme mendore apo depresioni, është e vështirë ta kalojnë, sidomos ato që kanë një nivel fame të lartë si ai i ‘One Direction’. Fatmirësisht, tani çdo gjë për Liam është kthyer në normalitet./revistawho.com
